Көсө кәмеһә лә, зәһәрен сәсә

Башҡортостан Һаулыҡ һаҡлау министрлығы мәғлүмәттәре буйынса, республикала һуңғы тәүлектә коронавирус 91 ауырыуҙа асыҡланған. Әлеге мәлдә ковидтан  494 сырхау өйөндә дауаланһа, 124-е стационарҙа ята, 21-енең хәле ауыр.  

Аҙаҡҡы 24 сәғәттә инфекциянан 82 кеше һауыҡҡан. Ҡыҙғанысҡа ҡаршы, афәтле сирҙән тағы ла ете ғүмер өҙөлгән.

Республикала вакцинация әүҙем бара. 2 753 520 яҡташыбыҙ (вакцинация үтергә тейешле халыҡтың 110,8 проценты) прививканың беренсе компонентын яһатһа, икенсе компонентын да эшләтеүселәр – 2 535 327 (102 процент). 545 364 кеше ревакцинация үткән.