Республикала 3-7 йәшлек балаларға түләүҙәр буйынса ҡыҙыу бәйләнеш асылды

Бөгөн, 27 майҙан, Башҡортостандың ситуация үҙәге 3 йәштән 7 йәшкә тиклемге балаһы булған ғаиләләргә түләүҙәр мәсьәләләре буйынса шылтыратыуҙар ҡабул итә башланы.

Республикаға идара итеү үҙәге хеҙмәткәре Алиса Шәмсетдинова Башҡортостан юлдаш телевидениеһының "Сәләм" тапшырыуы эфирында әйтеүенсә, бөгөн операторҙар көндөҙгө сәғәт 3-тән һуң эш башлаған, артабан көн һайын иртәнге сәғәт 8-ҙән киске 8-гә тиклем эшләйәсәк.

Ситуация үҙәгенең ҡыҙыу бәйләнеш номерҙары: +7 (347) 218-19-19, 122. Бынан тыш, белгестәр ярҙамында башҡа социаль әһәмиәтле темалар буйынса (эшҡыуарлыҡҡа дәүләт ярҙамы, ковидты иҫкәртеү) консультация алырға мөмкин.

Сығанаҡ: “Башинформ”.