Тасуири уҡыусылар конкурсы еңеүсеһе

20 майҙа Халыҡ-ара балалар үҙәге “Артек”та “Тере классика” Бөтә Рәсәй йәш тасуири уҡыусылар  конкурсы үтте. Унда илдең төрлө төбәктәренән 15 кеше ҡатнашты.

Улар – бәйгенең төбәк һәм һайлап алыу этаптарын үткән финалистар.

Биш еңеүсене жюри һайлаһа, алтынсы лидер тамашасылар тауыш биреү юлы менән асыҡланды. Ул – Башҡортостандың Күмертау ҡалаһынан 12 йәшлек Роман Коньшаков. Яҡташыбыҙ Виктор Драгунскийҙың «Шиворот-навыворот» хикәйәһе менән сығыш яһаған.