Өфөлә тағы ер убылған

6 майҙа Урман тыҡрығында, 21-се дауахананан алыҫ түгел урында, ер убылғайны.

Кисә ошондай уҡ хәл Ғафури һәм Чернышевский урамдары киҫелешендә, төҙөлөп ятҡан йорт янында, теркәлгән. Ер убылыуҙан түшәлгән асфальт емерелгән, тротуарға ла зыян килгән. Автомобиль ҡуйыу майҙансығында соҡор хасил булған, ундағы машиналарҙы эвакуатор ярҙамында икенсе урынға күсергәндәр.

Өфөнөң Ленин районы буйынса Граждандарҙы яҡлау идаралығынан белдереүҙәренсә, гидравлик һынауҙар мәлендә йылылыҡ трассаһының тишелеүе юлдағы асфальттың емерелеүенә сәбәпсе булған.