Туғыҙынсылар өсөн дәүләт имтихандары бара

Бөгөн туғыҙынсы синыфты тамамлаған сығарылыш уҡыусылары сит телдәрҙән һынау тота.

Сығарылыш дәүләт имтихандары иһә республикала кисә, 18 майҙа, башланды.

Уның тәүгеһе туған әҙәбиәттән булһа, бөгөн һәм иртәгә – сит телдәрҙән, 23 майҙа – математиканан,  27 майҙа йәмғиәтте өйрәнеү фәненән.

Артабан график буйынса, 1 июндә — биология, тарих, химия һәм физика, 7 июндә — рус теле, 10 июндә — туған телдәр, 15 июндә — информатика, химия, география һәм биология, 22 июндә — әҙәбиәт, физика һәм информатика.

Бынан тыш, 4-9 июлдә бөтә фәндәрҙән резерв көндәр билдәләнгән.