Йәйге ялдар тау артында түгел

2022 йылда  ялдың бөтә формаларыа 400 мең уҡыусы йәлеп ителәсәк. Был иһә мәктәп йәшендәге балаларҙың 78, 6 проценты. Ошо хаҡта Башҡортостандың мәғариф һәм фән министры Айбулат Хажин  БСТ каналына әңгәмәһендә белдергән.

• Быйыл республика биләмәләрендә 1547 һауыҡтырыу ойошмаһы эшләйәсәк. 95 ҡала янындағы, 815 көндөҙгө, 581 хеҙмәт һәм ял лагерҙары, 53 балалар махсуслаштырылған (тармаҡлы) һәм өс палаткалы лагерь ойошторола. Йәйәге осорҙа был учреждениеларҙы 25 мең кеше эшләйәсәк. Республика бюджетында балаларҙың йәйге ялына һәм һауыҡтырыу сараларына бер миллиард 798 миллион һум аҡса ҡаралған,- тине министр.

Шулай уҡ СанПиН  ҡала яны лагерҙарына ковид буйынса үҙгәрештәр индерҙе. Быйыл лагерҙар 100 процентҡа тулылана, элеккке кеүек 75 процент түгел. Балаларҙың лагерҙарға урынлашыуы һәм унан ҡайтыуы тәүлек эсендә башҡарыла, элекке кеүек бер көндә түгел. Тышта күмәк кеше ҡатнашлығындағы саралар рөхсәт ителгән, ләкин лагерь хеҙмәткәрәҙәре ковидҡа тикшереү үтәсәк. Был процедуралар лагерға ике көн ҡалғас башҡарыла. Медицина тикшереүҙәре республика бюджеты иҫәбенә буласаҡ.