Ял көндәре ямғырлы була

Башгидрометүҙәк хеҙмәтенең мәғлүмәттәренә ҡарағанда, алдағы ял көндәре республикала сағыштырмаса йылы һәм ямғырлы була.

Бөгөн ҡыҫҡа ваҡытлы ямғыр көтөлә. Ел көньяҡтан, көньяҡ-көнбайыштан, талғын. Һауа температураһы плюс 11-16 градус була.

Шәмбе һәм йәкшәмбе көндәрендә лә ошондай һауа торошо көтөлә. Төндә термометр бағанаһы +3,+8 градус күрһәтһә, көндөҙ +12,+17-гә тиклем күтәрелә, тип фаразлай белгестәр.