Ветерандар һәм Дуҫлыҡ аллеяһы

Хәйбулла районы Әбүбәкир ауылы халҡы үткән йылда Бөйөк Ватан һуғышында ҡатнашҡан һәм тылда эшләгән ауылдаштары хөрмәтенә Ветерандар аллеяһы һәм шулай уҡ Дуҫлыҡ аллеяһы булдырған. 

Ауыл халҡы өмәлә әүҙем ҡатнашҡан, йәй буйына үҫентеләргә һыу ҡойоп торғандар. Ултыртылған 100 төптән ашыу шыршы һәм ҡарағай бик матур булып үҫеп килә, тип яҙа "Атайсал" төбәк гәзите үҙенең социаль селтәрҙәрендә. Ветерандар аллеяһына әлеге көндә лә үҫентеләр ултыртыу дауам итә.