Һабантуйҙар ҡасан үтә?

Һабантуйҙар - Башҡортостаныбыҙҙа йәй башында үткән сағыу мәҙәни сара ул. Мәҙәни мираҫ йылы тип нарыҡланған 2022 йыл өсөн был халыҡ байрамының әһәмиәте бигерәк тә ҙур.

Кисә Башҡортостан хөкүмәтенең Республикаға идара итеү үҙәгендә үткән оператив кәңәшмәһендә Радий Хәбиров Республика Башлығы хакимиәте етәксеһе Максим Забелинға республикала һабантуйҙар ойоштороу тураһында указды әҙерләү буйынса эште башларға ҡушты.

Республикала һабантуйҙар яҙғы сәсеү эштәре тамамланғас ойошторола.