Тәүлек эсендә ковид 197 яҡташыбыҙҙа раҫланған

Башҡортостанда һуңғы тәүлектә коронавирус 197 ауырыуҙа асыҡланған, тип хәбәр итә республиканың Һаулыҡ һаҡлау министрлығы. Пандемия башланғандан алып сирҙе йоҡтороусыларҙың дөйөм һаны 284 371-гә еткән. Шуларҙың 277 858-е һауығыуға өлгәшкән. Аҙаҡҡы тәүлектә сәләмәтләнеүселәр – 247.

Бөгөнгө көндә 153 ковид-ауырыу дауаханала ята, яртыһынан күберәге – 81-е – 60 йәште үткән кешеләр. Сирҙе сағыштырмаса еңел уҙғарыусы 769 сырхау өйөндә дауалана, 310-ы – өлкән йәштәгеләр.

Ҡыҙғанысҡа ҡаршы, үткән 24 сәғәттә зәһәр сир биш яҡташыбыҙҙың ғүмерен ҡыйған.

Республикала коронавирусҡа ҡаршы вакцинация дауам итеүен билдәләп китәбеҙ. Прививканың беренсе компонентын яһатыусылар – 2 572 704, икенсеһен дә эшләтеп, вакцинацияны тулыһынса тамамлаусылар – 2 438 146.