Тәүге урман янғыны теркәлгән

Республика буйынса Ғәҙәттән тыш хәлдәр министрлығының баш идаралығынан белдереүҙәренсә, үткән тәүлектә Башҡортостанда быйыл сыҡҡан тәүге урман янғыны теркәлгән.

Ике янғын Баймаҡ районында 4,6 һәм 2,6 гектар майҙанда сыҡҡан.

Бөгөнгө көндә республика урман фонды биләмәләрендә 1, 2 һәм 3 класс янғын хәүефлеге фаразлана. Әбйәлил, Баймаҡ, Бөрйән, Йылайыр, Күгәрсен һәм Мәләүез райондарында 3 класс янғын хәүефлеге булыр тип көтөлә.

Билдәле булыуынса, 15 апрелдән Башҡортостан урмандарында янғын хәүефлеге миҙгеле иғлан ителгән.