Вирус сигенә, ләкин китергә теләмәй

Башҡортостан Һаулыҡ һаҡлау министрлығы мәғлүмәттәре буйынса, республикала тәүлек эсендә 251 ауырыуға “коронавирус инфекцияһы” диагнозы ҡуйылған. Зәһәр сирҙе йоҡтороусыларҙың дөйөм һаны – 283 963.

Бөгөнгө көндә ковид-госпиталдәрҙә 130 яҡташыбыҙ мәкерле инфекцияға ҡаршы көрәшә, 79-ы – 60 йәштән өлкәндәр. 1188 сырхау участка табибы күҙәтеүе аҫтында өйөндә дауалана, уларҙың 489-ы – өлкән йәштәгеләр.

 Аҙаҡҡы тәүлектә 611 кеше коронавирустан һауығыуға өлгәшкән, ә пандемия башланғандан алып унан сәләмәтләнеүселәр – 277 061.

Ҡыҙғанысҡа ҡаршы, үткән тәүлектә яһил вирустан йәнә алты ғүмер өҙөлгән.

Республикала вакцинаның беренсе компонентын 2 566 911 кеше яһатһа, икенсе компонентын да эшләтеүселәр – 2 433 858.