Самокатта барған малайҙы бәрҙергән

Сүп-сар сығарыусы махсус машина электр самокаттағы малайҙы бәрҙергән.

Хәл Салауат ҡалаһында теркәлгән. Самокат атланған малай урамдан барған махсус техниканың алдына ҡапыл килеп сыға һәм машинаға бәрелеүҙән ҡолап китә. Водитель малайға ярҙамға ашыға. Бәхеткә күрә, бәләкәй юл йөрөү ҡағиҙәһен боҙоусыға бер ни ҙә булмаған, тик ул ныҡ ҡурҡҡан ғына, тип яҙа “Дөрөҫөн әйткәндә” интернет сығанағы.

Шуны ла билдәләргә кәрәк: машина яй тиҙлектә барған була.