Ковидҡа бәйле һуңғы мәғлүмәттәр ниндәй?

Башҡортостан Һаулыҡ һаҡлау министрлығы хәбәр итеүенсә, 14 апрелгә ҡарата республикала коронавирус йоҡтороусыларҙың дөйөм һаны 282 492-гә еткән. Тәүлек эсендә 346 ауырыу өҫтәлгән.

Әлеге ваҡытта ковид-госпиталдәрҙә 131 сырхау зәһәр вирусҡа ҡаршы көрәшә, күпселеге – 60 йәштән өлкән ханымдар һәм уҙамандар. Амбулатор шарттарҙа дауаланыусылар – 2 115.

Пандемия башланғандан алып инфекциянан 274 675 яҡташыбыҙ һауыҡҡан, үткән тәүлектә унан сәләмәтләнеүселәр – 490.

Бөгөнгө көнгә ҡарата республикала ковидҡа ҡаршы прививканың ике компонентын да 2 426 543 кеше яһатҡан. Был – вакцинация үтергә тейешле халыҡтың 97,7 проценты тигән һүҙ.