Бөгөн йылы була

Тәбиғәт үҙенекен ала барыбер. Һуңлап килгән яҙ юғалтҡан көндәрен ҡыуып етергә ашыға.

Бөгөн, 11 апрелдә, синоптиктар мәғлүмәттәренә ҡарағанда, республикала 12 – 17 градус йылы була. Яуым-төшөм ихтималлығы түбән. Ел көньяҡ-көнсығыштан, талғын.  

Иртәгә һауа температураһы бер аҙ түбәнәйә – көндөҙ 9 – 14 градусҡа тиклем йылыта. Бер аҙ ямғыр яуа.

Шаршамбыла ла ошондай һауа торошо көтөлә, тип фаразлай белгестәр.