Диспансеризация үттегеҙме әле?

Быйыл өс айҙа республикабыҙҙа 158 меңдән ашыу кеше диспансеризация үткән. Һаулыҡ һаҡлау министрлығы ошо мөһим сараға йәмғеһе 1 миллион 31 мең кешене йәлеп итергә йыйына. Был турала Хөкүмәттең оператив кәңәшмәһендә һаулыҡ һаҡлау министры вазифаһын башҡарыусы Азат Рәхмәтуллин хәбәр итте.

Ковид үткәргән 28 545 кеше тәрәнәйтелгән диспансеризация уҙған – был планда билдәләнгәндең 8 проценты.

Азат Рәхмәтулин Башҡортостанда йыл һайын ойошторолоусы “Сәләмәт республика – сәләмәт төбәк” акцияһы 18 апрелдән башланасағын әйтеп үтте. Райондарға алты маршрут буйлап автобустарҙа республика дауаханаларының һәм БДМУ-ның юғары квалификациялы табиптары юлланасаҡ.

Башҡортостан Башлығы Радий Хәбиров район хакимиәте етәкселәренә табиптарҙы ҡаршы алырға һәм алыҫ ауылдарҙа йәшәүселәрҙе медицина тикшерелеүенә алып килеүҙе ойошторорға ҡушты.

Фото Һаулыҡ һаҡлау министрлығы сайтынан.