Ғәбдүк ауылын һыу баҫҡан

Көндәрҙең ҡапыл йылытыуы, һуңғы осорҙың яуымлы булыуы ташҡын хәүефен көсәйтте.

Ғәҙәттән тыш хәлдәр министрлығының Башҡортостан буйынса хеҙмәтенән хәбәр итеүҙәренсә, бөгөн төндә Инйәр йылғаһының ташып китеүе сәбәпле Белорет районының Ғәбдүк ауылын һыу баҫҡан. Ташҡын 45 йортҡа, 90 биләмәгә тиклем барып еткән. 103 кеше, шул иҫәптән 18 бала эвакуацияланған.

Ғәҙәттән тыш хәлдең сәбәбе – йылға ҡапыл боролош яһаған урында боҙ тығыны барлыҡҡа килеүҙә.