Хәрби хеҙмәткә яҙғы саҡырылыш башланды

Рәсәй Президенты Владимир Путиндың Указына ярашлы, хәрби хеҙмәткә яҙғы саҡырылыш башланды.

Ул 2022 йылдың 1 апреленән 15 июленә тиклем дауам итә. Запаста булмаған хәрби хеҙмәткә алынырға тейешле 18-27 йәшлек 134 500 гражданды хәрби хеҙмәткә саҡырырға,  тип әйтелә документа.

Указға ярашлы, хеҙмәт итеү ваҡыты тамамланған һалдаттар, матростар, сержанттар һәм старшиналар өйҙәренә ҡайта. Рәсәй Федерацияһы Хөкүмәтенә, ил субъекттарының башҡарма власть органдарына, саҡырылыш комиссияларына хәрби хеҙмәткә алыуға бәйле сараларҙың үтәлешен тәьмин итеү бурысы йөкмәтелә.