Ҡыҙҙар һауыға

Стәрлетамаҡ ҡалаһы лицейҙарының береһендә уҡып йөрөгән 8-се синыф ҡыҙҙары дарыу менән ағыуланған, тип яҙғайныҡ.

“Башинформ” мәғлүмәт агентлығы, республика Һаулыҡ һаҡлау министрлығының матбуғат хеҙмәте мәғлүмәттәренә таянып, үҫмер ҡыҙҙар дарыуҙарҙы наркотик сара булараҡ ҡулланырға булған, тип яҙа.

Биш ҡыҙ ҙа имен ғаиләнән, элек ундай хилафлыҡ ҡылмағандар.

Әле зыян күреүселәрҙең хәле ҡәнәғәтләндерерлек. Бер ҡыҙ өйөнә ҡайтҡан да инде. Бөгөн икенсеһен дауахананан сығаралар. Ҡалған ҡыҙҙар һауығыуға бара.