Ҙур иҫәп менән еңелделәр

Хоккей буйынса Көнсығыш конференцияның ярым финалында “Салауат Юлаев” менән “Трактор” командалары араһында дүртенсе уйын үтте.

Уның һөҙөмтәләре ҡыуаныслы булманы – беҙҙекеләр 1:6 иҫәбе менән отолдо. Беренсе осорҙа уҡ ҡунаҡтар ике гол индерҙе. Алексей Пустозёров яуап итеп иҫәпте ҡыҫҡартты. Тик ул был осрашыуҙағы “Салауат Юлаев”тың берҙән-бер голы булып ҡалды.

Шулай итеп, дүрт уйындан һуң нисбәт – 2:2.

Артабан ярым финал серияһын командалар Силәбелә дауам итәсәк.