Малайҙар табылған

Стәрлетамаҡта “Ғаилә” социаль-реабилитация үҙәгендә ваҡытлыса йәшәгән 8, 15 һәм 16 йәшлек бер малайҙы һәм ике үҫмерҙе эҙләйҙәр, тип яҙғайныҡ.

Улар табылған һәм иҫән-һауҙар. Эске эштәр министрлығының матбуғат хеҙмәтенән белдереүҙәренсә, малайҙар өсөһө лә ағалы-ҡустылы Бурнаевтарҙың әсәһе фатирында булған. Ҡасҡалаҡтар кире приютҡа ҡайтарылған.