Эдуард Латыпов алтын миҙал яуланы

Биатлон буйынса Рәсәй чемпионатында кисә үткән 15 км-ға масс-стартта Эдуард Латыпов алтын миҙал яуланы.

Икенсе урында – Даниил Серохвостов, өсөнсөлә – Кәрим Хәлили.

Билдәле булыуынса, Өфөлә 12-16 мартта биатлон буйынса Рәсәй чемпионаты һәм Рәсәй кубогының финалы үтте. Ярыштарҙа илдең 18 төбәгенән һәм Беларусь Республикаһынан спортсылар ҡатнашты.

Башҡортостан Башлығы Радий Хәбиров социаль селтәрҙә еңеүселәрҙе һәм призерҙарҙы ҡотланы һәм а ярыштарҙы Өфөлә ҡабул итеү мөмкинлеген ышанып тапшырғаны өсөн Рәсәй Биатлонсылар союзына рәхмәт белдерҙе. “Яңы старттар һәм яңы еңеүҙәр көтәбеҙ!" - тип яҙа ул.