Һауа температураһы һалҡын көйө ҡала

Төндәрен термометр бағанаһы урыны менән минус 28 градусҡа тиклем төшә.  Синоптиктар, бындай һалҡындар аҙна аҙағына тиклем һаҡлана, тип белдерә.

Бөгөн көндөҙ -3, -8°, ҡайһы бер райондарҙа -12° тиклем. Ел көнсығыштан, талғын.

10 мартта һауа температураһы төндә -10, -15°, аяҙытҡанда - 18, -23°, көндөҙ - 4, -9°. Бер аҙ ҡар яуыуы көтөлә. Ел көнсығыштан, талғын, юлдарҙа ҡар һырынтыһы, боҙлауыҡ.

11 мартта ла бер аҙ ҡар яуыуы ихтимал. Ел көнсығыштан, талғын. Һауа температураһы төндә -15, -20°, аяҙытҡанда - 23, -28°, көндөҙ - 10, -15°.

Әйткәндәй, Башгидрометүҙәк мәғлүмәттәре буйынса, быйылғы 8 март төнөндә Өфөлә һуңғы 67 йылда тәүге тапҡыр -28 градусҡа тиклем һыуытҡан.