Бәхәсле һорауҙар үҙ- ара хәл ителде

Ишембай районы умартасылары 5 мартта үтәсәк флешмобта ҡатнашыуҙан баш тартты. Билдәле булыуынса, был хаҡта социаль селтәрҙәрҙә иғлан ителгәйне. Урындағы умартасыларҙың эшсе  төркөмө рәйесе Рәфил Алтынбаев әйтеүенсә, ошондай ҡарар Иҫәкәй, Һәргәй, Ибрай һәм Маҡар ауылдарының умарта тотоусылары тарафынан хәл ителде.

Урындағылар билдәләүенсә, улар республика хөкүмәте менән бөтә бәхәсле һорауҙарҙы үҙ-ара ҡараған. Бынан тыш ҡорт тотоусыларға инвестор һәм “Би Хэппи” компанияһы Маҡар урмансылығында урынлашҡан урман участкаларына дәғүә белдермәйәсәк тигән гарантия бирелгән.

• Беҙҙе хуплаған һәм яҡлап сыҡҡан бөтә кешеләргә лә рәхмәт белдерәбеҙ. 4 ауылдың инициатив төркөмө йәмәғәт эшкәмәрҙәренең аңлауына өмөт итә һәм эштәрҙе флешмоб һәм башҡа  саралар үткәрмәйенсә генә дауам итергә саҡыра, - тигән эшсе төркөмөнөң етәксеһе Рәфил Алтынбаев.

Элегерәк хәбәр итеүебеҙсә, Башҡортостан хөкүмәте Ишембай районы умартасыларына һәр яҡлап ярҙам итәсәк. Һуңғараҡ Ишембай район- ара прокуратураһы төбәк биләмәләрендә сит ил ҡорттарын урынлаштырыу ихтималлығына тикшереү үткәрҙе.