Өс машина төкөшкән

Әле асыҡланмаған сәбәптәр арҡаһында Nissan Qashqai, Ford Fiesta һәм ZAZ Chance маркалы өс автомобиль төкөшкән. Уларҙың береһе янып киткән.  

Ваҡиға Туймазы районы Собханҡол ауылынан сыҡҡан юлда теркәлгән. БР буйынса Ғәҙәттән тыш хәлдәр дәүләт комитетынан хәбәр итеүҙәренсә, ут ҡапҡан ZAZ Chance машинаһы водителе һәм аварияға эләккән тағы ике кеше дауаханаға оҙатылған.

Әле ваҡиғаға алып килгән сәбәптәр асыҡлана, тикшереү бара.