Әле ковид менән 27 меңдән ашыу яҡташыбыҙ сирләй

Бөгөнгө көндә республикабыҙҙа коронавирус менән 27 025 кеше ауырый: 26 678-е өйөндә дауаланһа, 347-һе дауаханаларҙа ята. 34 сырхауҙың хәле ауыр, тип хәбәр итә табиптар.

Аҙаҡҡы 24 сәғәттә вирус 4 341 сырхауҙа асыҡланған. Ковид йоҡтороусыларҙың дөйөм һаны –  177 108.

Тәүлек эсендә 3 297 яҡташыбыҙ, инфекциянан ҡотолоп, "больничный"ын яптырған. Һауығыусылар йәмғеһе – 145 080.

Ҡыҙғанысҡа ҡаршы, афәтле ауырыу йәнә 19 ғүмерҙе өҙгән. Республикабыҙҙа ковид ҡорбандары 5 003-кә етте...

 2 283 087 яҡташыбыҙ, йәғни прививка яһатырға тейешле халыҡтың 91,9 проценты вакцинацияны тулыһынса тамамлаған. 12 йәштән 17 йәшкә тиклемге үҫмерҙәр араһында “Спутник М” вакцинаһын эшләтеүселәр – 2 880.