Ковид тағы дүрт меңдән ашыу яҡташыбыҙҙа раҫланған

 Башҡортостан Һаулыҡ һаҡлау министрлығының матбуғат хеҙмәте хәбәр итеүенсә, республикала коронавирус тәүлек эсендә 4 105 ауырыуҙа асыҡланған. Был – сираттағы антирекорд.

Әлеге мәлдә стационарҙарҙа 341 сырхау коронавирусҡа ҡаршы көрәшә, шуларҙың 39-ы ауыр хәлдә.  Амбулатор шарттарҙа дауаланыусылар –  25 659. Аҙаҡҡы тәүлектә инфекциянан 4 200 кеше һауыҡҡан.

Һуңғы 24 сәғәттә афәтле сирҙән 19 яҡташыбыҙҙың ғүмере өҙөлгән.

Республикала ковидҡа ҡаршы вакцинацияны тулыһынса  тамамлаусылар  – 2 277 266, йәғни прививка яһатырға тейешле халыҡтың 91,7 проценты. Вакцинаның беренсе компонентын  2 426 916 кеше эшләткән (97,7 процент).

Фото "Башинформ"дан алынды.