Өфө егете команда ярышында көмөш миҙал алды

Конькиҙа йүгереүсе Руслан Захаров олимпиадала команда менән эҙәрлекләү ярышында көмөш миҙал яуланы. Финал уҙышында Норвегтарҙың тиҙлеге яҡшыраҡ булып сыҡты, һөҙөмтәлә Рәсәйҙең ир-егеттәр йыйылма командаһына Пекиндағы Олимпия уйындарында эҙәрлекләү уҙышында көмөш миҙал эләкте.

Өфө спортсыһы Руслан Захаров Сочиҙағы Олимпиадала шорт-трек буйынса Башҡортостан исеменән сығыш яһап, эстафетала алтын миҙал алғайны. Уның конькиҙа йүгереү спортына күсеүе лә юҡҡа булмаған – был йәһәттән дә уңышҡа өлгәште тырыш егет.

Фото: асыҡ сығанаҡтарҙан.