Аэропорт йүнәлешендә сыҡҡанда иғтибарлы булығыҙ

Бөгөндән, йәғни 14 февралдән, Ағиҙел аша һалынған яңы өҫтәмә күпер баш ҡаланан сығыу яғына ғына эшләйәсәк. Уның дүрт һыҙаты ла Аэропортҡа йүнәлгән транспорт өсөн тәғәйен.

Водителдәр яңылышмаһын өсөн өҫтәмә күперҙә элекке һыҙаттар юйылған, юл билдәләре алмаштырылған. Бынан тыш, аркалы күпергә Салауат Юлаев проспектынан инеү юлы ябылған: бында бетон блоктар һәм тейешле билдәләр ҡуйылған. Был – автомобилселәр алдан уҡ яңы юл схемаһына өйрәнә башлаһын өсөн күрелгән сара.