Өфөлә йорт төҙөлөшө йылдам үҫешә

2021 йылда Өфөлә 1 миллион 262 мең квадрат метр торлаҡ сафҡа индерелгән. Был – башҡа йылдар менән сағыштырғанда, рекорд күрһәткес.

Алданған өлөшсөләр мәсьәләһе лә ыңғай хәл итәлә. 2021 йылда дөйөм майҙаны 35 мең квадрат метрлыҡ алты проблемалы йорт файҙаланыуға тапшырылған, 411 алданған өлөшсөнөң хоҡуҡтары тергеҙелгән. Өфөлә бөгөнгө көнгә ҡарата 32 йорт «проблемалы» категорияһында ҡала килә. Әле «Дим-9» һәм «Менделеев» торлаҡ комплекстарындағы йорттарҙың өлөшсөләре проблемалары хәл ителеү өҫтөндә.