Түләүле отпуск көндәре үҙгәрергә мөмкин

Рәсәйҙә 2022 йылдан түләүле отпуск көндәренең артыуы ихтимал. Эш биреүселәр хеҙмәткәрҙәргә 28 көн түгел, ә 30 көн отпуск бирергә тейеш. Рәсәйҙең социаль-хеҙмәт мөнәсәбәттәрен көйләү буйынса өс яҡлы комиссияһы шундай тәҡдимдәр индерҙе, тип хәбәр ителә www.buhsoft.ru сайтында.

Коронавирустан прививка яһатыу өсөн хеҙмәткәрҙәргә түләүле ике көнлөк ял бирергә кәрәк, тип иҫәпләй комиссия. Был көндәрҙе отпускыға ҡушырға, шулай уҡ улар өсөн аҡса түләргә мөмкин.

Ковидҡа ҡаршы вакцинацияға бәйле өҫтәмә ял көндәре коллектив килешеүҙәрҙә йәки локаль акттарҙа яҙып ҡуйылырға тейеш.

Фото "Башинформ"дан алынды