Башҡортостан финанс грамотлыҡ буйынса Бөтә Рәсәй онлайн-зачетында алдынғылар рәтенә сыҡҡан

Башҡортостан Бөтә Рәсәй онлайн-зачетында ҡатнашыусылар һаны буйынса тәүге бишәү исемлегенә ингән. “Онлайн-зачет кешеләргә финанс хеҙмәттәре һәм үҙ хоҡуҡтарын яклау мөмкинлектәре хаҡында белемдәрен тикшерергә, ә һорау алыу һөҙөмтәләре Рәсәй Банкына финанс белем биреү буйынса киләсәккә эшмәкәрлектең төп бурыстарын билдәләргә һәм ошо юҫыҡта уңышлы үҫешергә мөмкинлек бирә”, – тип белдергән Башҡортостандың Финанс министры урынбаҫары Нелли Бердина.

Рәсәй Банкы мәғлүмәттәренән билдәле булыуынса, республикабыҙҙан 156 кеше Бөтә Рәсәй зачетында ҡатнашып, уларҙың яртыһынан күберәге зачетты уңышлы тапшырған (52%).

Команда зачетында беҙҙән 63 команда көс һынашып, дөйөм һөҙөмтәләр буйынса Башҡортостан тәүге унау исемлегенә ингән. Бөтә Рәсәй онлайн-зачетта

23 589 кеше үҙ белемен һынап, 14 625 кеше (62%) уңышлы тапшырған һәм исемле сертификатҡа эйә булған.  

Фото: асыҡ сығанаҡтарҙан.