Йөк составы аҫтында ҡалған

Кисә киң мәғлүмәт саралары  тимер юлында ир кеше мәйете табылыуы тураһында хәбәр иткәйне.

Ваҡиға Бәләбәй районы Приют станцияһында була. Эске эштәр министрлығының транспорт идаралығынан асыҡлауҙарынса, 6 февралдә киске сәғәттәрҙә иҫке тимер юл вокзалы тапҡырынан юл аша сығып барған 69 йәшлек ирҙе йөк составы бәрҙерә. Алған тән йәрәхәттәренән ул мәрхүм була.

Әле Аксаков станцияһындағы линия полиция бүлеге ваҡиға сәбәптәрен асыҡлай, тикшереү үткәрә.