Февраль йылы буласаҡ

Рәсәй Гидрометүҙәктең ғилми етәксеһе Роман Вильфанд фаразлауынса, февралдә беҙҙе аномаль йылы көндәр көтә.

Волга буйы, Урал, Себер биләмәләрендә һәм Яҡут Республикаһының көнбайыш өлөшөндә температура һиҙелерлек юғары була, илдең башҡа өлөштәрендә һауа торошо норманан тайпылмай, тигән фекерҙә ул.

Башҡортостанда айҙың тәүге аҙнаһында көндөҙ һауа температураһының  0 градус булыуы, төндә уның бер аҙ түбәнәйеүе фаразлана.