Вакцина яһатыусы өлкәндәргә – бүләктәр

Кушнаренда йәшәүселәр өсөн ауылдың үҙәгендә үк – район мәҙәниәт йортонда өҫтәмә вакцинация пункты асылған.

Ул көн һайын иртәнге сәғәт ундан көндөҙгө өскә тиклем эшләй. Бында килеүселәр, поликлиникалағы кеүек үк, анкета тултыра, терапевта тикшереү үтә, шунан прививка яһата. Өҫтәмә пункттың уңайлылығы шунда: үҙәк район дауаханаһына барып йөрөргә кәрәкмәй. Кешеләр магазинға, китапханаға йәки кинотеатрға килгәндә бер ыңғайҙан прививка яһатып сыға ала.

“Берҙәм Рәсәй” партияһы төбәк бүлексәһенең “Өлкәндәр хаҡында хәстәрлек” акцияһы ковидтан вакцина яһатырға дәртләндереүсе сара булып тора. Прививка эшләткән 65 йәшлек һәм унан өлкәнерәк кешеләр был акция сиктәрендә “Берҙәм Рәсәй”ҙең Кушнарен бүлексәһенән бүләктәр ала. Ә ай аҙағында вакцина ҡаҙатыусылар араһында төп приз – тонометр уйнатыласаҡ.

 Партияның район бүлексәһенең “Беҙҙең хәстәрлек” волонтерлыҡ штабы пандемия осоронда ярҙамға мохтаждарға булышлыҡ итеүҙәрен дауам итә. Ирекмәндәр яңғыҙ йәшәүсе өлкәндәргә һәм инвалидтарға аҙыҡ-түлек һәм дарыуҙар килтерә, 65 йәштән ололарҙы вакцинацияға оҙатып бара.

 “Берҙәм Рәсәй” партияһының Кушнаренда үтеүсе бындай акциялары хәстәрлеккә мохтаж  өлкәндәр өсөн ҙур ярҙам булып тора.

Кушнарен район хакимиәте матбуғат хеҙмәте фотоһы.