Үҙ һөнәреңде тап

Тормошта үҙ урыныңды,  хеҙмәт баҙарында ихтыяж менән файҙаланғанған һөнәреңде  табыу бөгөнгө көндә айырыуса актуаль. Учалы тау сәнәғәте колледжында уҡыусылар  өсөн мастер- класстар ойошторолдо. Ул 9 класта белем алған ҡыҙҙар һәм егеттәр өсөн киләсәк һөнәр һайлауҙа профориентация йүнәлештәре бирҙе.

Учалы тау сәнәғәте колледжы киң һөнәр һайлау мөмкинлеге биргә урта профессионал уҡыу йорто. Колледж ашнаҡсы кондитер, ер аҫты электрослесаре, еңел автомобилдәрҙе  хеҙмәтләндереү һәм ремонтлау, машинист ПДМ һөнәренән алып бөгөнгө көндә кәрәкле “Веб дизайн һәм эшкәртеү”, “Бизнес өсөн программа хәл ителеше” йүнәлештәрен тәҡдим итә.

-Йәштәргә  дөрөҫ белем һайлауҙа төрлө алымдар күрһәтергә мөмкин. Әммә мастер- кластар уҡыусыларға үҙбилдәләнергә ҙур ярҙам итә. Профориентация эштәренә йүнәлтелгән оҫтаханалар буласаҡ һөнәр хаҡында аныҡ мәғлүмәт бирергә тейеш,- тигән Башҡортостандың фән һәм мәғариф министры Айбулат Хажин.