Карантин ике аҙнанан бер аҙнаға ҡала

Ковид менән ауырыусылар өсөн карантин ике аҙнанан бер аҙнаға тиклем кәметеләсәк. Был турала Рәсәй Хөкүмәте эргәһендәге коронавирусҡа ҡаршы көрәш буйынса координацион совет ултырышында вице-премьер Татьяна Голикова белдерҙе.

“Карантинды ете көнгә тиклем кәметәбеҙ, шулай уҡ тағы ла бер нисә үҙгәреш индерәсәкбеҙ, улар Рәсәйҙең баш санитар табибы ҡарары менән ҡабул ителәсәк”, – тине Татьяна Голикова. Был турала "РИА Новости" мәғлүмәт агентлығы яҙып сыҡты.

Вице-премьер шулай уҡ властар хәлде күҙәтеүҙә тотасағын, кәрәк булған осраҡта, карантин ваҡыты яңынан үҙгәртеләсәген билдәләне.

Фото "Башинформ"дан алынды.