72 яҡташыбыҙҙың хәле ауыр

Пандемия башланған алып республикала ковид йоҡтоусыларҙың дөйөм һаны 125 560-ҡа еткән. Аҙаҡҡы тәүлектә вирус 240 сырхауҙа асыҡланған. Был турала Хөкүмәттең оператив кәңәшмәһендә вице-премьер–һаулыҡ һаҡлау министры Максим Забелин хәбәр итте.

Зәһәр инфекцияны йоҡторған 116 600 кеше һауыҡҡан, 295-е аҙаҡҡы тәүлектә дауахананан сыҡҡан.

Әлеге мәлдә дауаханаларҙа коронавирусҡа ҡаршы 133 ауырыу көрәшә. Шуларҙың 72-һенең хәле ауыр. 4 232 сырхау, сирҙе сағыштырмаса еңел үткәреп, өйөндә дауалана.

Министр йоғошло сирҙәргә тарыусы ауырыуҙар өсөн бөгөнгө көндә республикала 1 645 койка тәғәйенләнеүен билдәләне. Шуларҙың 36 проценты әле буш.

Фото "Башинформ"дан алынды.