Һуңғы мәғлүмәттәр буйынса...

14 ғинуарға ҡарата республикала коронавирус йоҡтороусыларҙың дөйөм һаны 124 855 тәшкил итә. Тәүлек эсендә вирус 207 ауырыуҙа асыҡланған.

Әлеге мәлдә стационарҙарҙа 137 сырхау дауалана, шуларҙың 90-ы – 60 йәште уҙғандар. 54 ауырыуҙың хәле ауыр, тип хәбәр итә табиптар. Амбулатор шарттарҙа дауаланыусылар – 4386, шул иҫәптән 3769-ы – 60-тан өлкән өләсәй һәм олатайҙар.

Үткән тәүлектә 239 яҡташыбыҙ, инфекциянан ҡотолоп, дауахананан сыҡҡан. Һауығыусыларҙың дөйөм һаны – 115 777.

Афәтле сирҙән вафат булыусылар һаны 4555-кә етте, ҡорбандарҙың күбеһе – 3986-һы – 60-ты үткән кешеләр. Аҙаҡҡы тәүлектә туғыҙ үлем осрағы теркәлгән.

Кисәле-бөгөнлө 29 ауырыуға дауахананан тыш пневмония диагнозы ҡуйылған, унан сәләмәтләнеп, стационарҙан сығыусылар – 88.

Фото "Башинформ"дан алынды.