Көслө ҡар көтөлә

Башгидрометүҙәк мәғлүмәттәренә ярашлы, ялға ҡарай һалҡындарға алмашҡа ҡарлы һәм буранлы көндәр килә. 

15 ғинуарға ҡарата һауа температураһы төндә -7,-12, аяҙытҡанда -17, көндөҙ -5,-10 градус була. Юлдарға боҙлауыҡ ҡатыуы, урыны менән көрт һалыуы ихтимал.

Ғинуарҙың беренсе декадаһында Өфөлә айлыҡ нормаға ҡарата 82 процент ҡар яуған. 2017 йылдың был осоронда норманан 132 процент яуым-төшөм теркәлгән. Йәғни быйыл хәл бик үк насар түгел. Шуға ҡарамай, Яңы йыл каникулынан һуңғы өс эш көнөндә баш ҡала урамдарында киске алтынан һуң транспорт тығыны 10 балл менән баһаланды.