Был аҙнала көндәр һыуыҡ була

Ямғыр алып килгән циклонды антициклон алмаштырҙы, тип хәбәр итә синоптиктар. Шуға күрә башланып торған эш аҙнаһы һалҡын буласаҡ.

Үҙәк райондарҙа көндөҙ минус 7-12 градус, төндә 12-20 градуска тиклем һалҡын төшә. Көндәр башлыса аяҙ, бер аҙ болотло була, яуым-төшөм көтөлмәй. Ел талғын, көсәйгәндә секундына 7 метрға етеүе ихтимал.

Ял көндәренә табан һауа торошо үҙгәрә башлай. 15 ғинуарҙа республикала йылыта, ҡар яуыуы, буран сығыуы көтөлә.