Һаҡ булығыҙ!

Башҡортостандың коммуналь хеҙмәттәре был көндәрҙә төрлө һауа шарттарына  әҙерлек режимында эшләй.. Бер тәүлектә республикала ҡар таҙартыуға 1248 берәмек техника, 2 меңдән ашыу  юл таҙартыусы йәлеп ителгән, барлығы 565 тоннанан ашыу ҡар сығарылған.

• Коммуналь хеҙмәттәр факт буйынса түгел, ә ошондай һауа шарттарын алдан фаразлап эш итә. Был көндәрҙә юлсылар һәм автомобиль йөрөтөүселәр өсөн етди тотҡарлыҡтар булды, - тип билдәләне торлаҡ – коммуналь хужалығы министры урынбаҫары Илдар Хәмзин.

Ошо арауыҡта юлдан йөрөгәндә, ҡатлы биналар янынан үткәндә һаҡсыллыҡ сараларын күҙәтеү мөһим. Бөтә ерҙә - ихаталарҙы, өй баштарын,  ҡыйыҡтарҙы ҡарҙан, боҙҙан таҙартыу эше бара.