Яңы йыл каникулдарында поликлиникалар нисек эшләй?

Башҡортостан Һаулыҡ һаҡлау министрлығы ғинуар байрамдарында поликлиникаларҙың, амбулаторияларҙың, вакцинация, фельдшер-акушерлыҡ пункттарының эш тәртибен раҫланы.

Министерство хеҙмәткәрҙәре 9 ғинурға тиклем тәүлек әйләнәһенә эшләйәсәк. Яңы йыл каникулдарында поликлиникалар, дауаханалар һәм вакцинация пункттары түбәндәге эш графигы буйынса кешеләрҙе ҡабул итәсәк:

– 31 декабрҙә – шәмбе графигы буйынса – иртәнге сәғәт 8-ҙән киске сәғәт 5-кә тиклем, төшкө 4-кә тиклем саҡырыуҙар ҡабул ителә (шул иҫәптән  кисектергеһеҙ ярҙам);

– 1 ғинуарҙа һәм 3–8 ғинуарҙа – байрам көндәре графигы буйынса – иртәнге сәғәт 8-ҙән киске сәғәт 5-кә тиклем, кисектергеһеҙ ярҙам хеҙмәтенән саҡырыуҙар ҡабул итеү төшкө 4-кә тиклем;

– 2 һәм 9 ғинуарҙа – йәкшәмбе графигы – иртәнге сәғәт 8-ҙән төшкө сәғәт 4-кә тиклем кисектергеһеҙ ярҙам хеҙмәтенән саҡырыуҙар ҡабул итеү, үлем хаҡында белешмә яҙыр өсөн дежур табип эшләйәсәк;

31 декабрҙә һәм 2–9 ғинуарҙа поликлиникаларҙа COVID-19 яңы коронавирус инфекцияһына ҡаршы вакцинация кабинеттары иртәнге сәғәт 8-ҙән киске сәғәт 8-гә тиклем эшләйәсәк;  

Льгота менән файҙаланыусылар дарыуҙарҙы, махсус сәләмәт туҡланыу аҙыҡтарын, медицина кәрәк-ярағын 31 декабрҙә, 1, 3, 8 ғинуарҙа яҙҙырып алыу хоҡуғына эйә.   

 Ашығыс медицина бригадалары, травмпункттар, дежур хеҙмәттәр көсәйтелгән режимда эшләйәсәк.

Өфөлә тәүлек әйләнәһенә эшләгән өлкәндәр өсөн травпункт адрестары: Өфөнөң 5-се клиник дауаханаһы травпункты (Цюрупа, 84); Өфөнөң 10-сы клиник дауаханаһы травпункты (Горького,47); Өфөнөң 21-се клиник дауаханаһы травпункты (Лесной проезд,3).

Өфөлә тәүлек әйләнәһенә эшләгән балалар өсөн травпункт адрестары: Республика балалар клиник дауаханаһы (Кувыкина,98); Өфөнөң 17-се балалар клиник дауаханаһы травпункты, (Свобода, 29); 5-се балалар поликлиникаһы иртәнге сәғәт 8-ҙән киске сәғәт 10-ға тиклем ҡабул итә (Жукова,18); 4-се балалар поликлиникаһы иртәнге сәғәт 8-ҙән киске сәғәт 10-ға тиклем ҡабул итә (Орджоникидзе,15).

Күҙҙәрҙе йәрәхәтләгәндә мөрәжәғәт итеү өсөн адрестар (тәүлек әйләнеһенә ҡабул итәләр): Өфөнөң 10-сы клиник дауаханаһы травпункты (Кольцевая,47); Өфө күҙ ауырыуҙары травмпункты (Аврора,14).

Теш ауыртыуы менән яфаланыусыларҙы түбәндәге адрестарҙа (ОМС полюсы менән) ҡабул итәсәктәр: Өфөнөң 2-се стоматология поликлиникаһы (пр. Октября 105/3); Өфөнөң 7-се балалар стоматология поликлиникаһы (Блюхера 25/1).

Фото "Башинформ"дан алынды.