Ковидтан дауалау буйынса яңы рекомендациялар сыҡты

Рәсәй Һаулыҡ һаҡлау министрлығы коронавирус инфекцияһын диагностикалау, дауалау һәм профилактикалау буйынса методик рекомендацияларҙың яңы – ун дүртенсе версияһын сығарҙы.

Документты йоғошло сирҙәрҙе дауалау, лаборатор диагностика, пульмонология, медицина реабилитацияһы өлкәләрендәге төп эксперттарҙан торған төркөм әҙерләгән. Ул бөтә Рәсәй төбәктәрендә ковид-ауырыуҙарға медицина ярҙамын берҙәм протоколдар буйынса күрһәтеү өсөн тәҡдим ителә.

Яңы редакцияла вирустың иң тиҙ таралыусы төрө тип аталған омикрон штамы тураһында ла пункт бар. Шулай уҡ яңы дарыуҙар: “МИР-19” һәм нирматрелвир+ритонавир тураһында ла мәғлүмәттәр урын алған. Бынан тыш, үҫмерҙәр өсөн тәғәйенләнгән “Спутник М” вакцинаһы тураһында ла пункт индерелгән.