"Рәсәйҙә ковидҡа коллектив иммунитет кимәле – 59,4 процент"

Илдә бөтәһе 70 миллиондан ашыу кеше коронавирусҡа ҡаршы прививка яһатҡан. Рәсәйҙә ковидҡа коллектив иммунитет кимәле 59,4 процентҡа еткән. Бөгөн журналистар менән ҙур матбуғат конференцияһында Президент Владимир Путин шулай тип әйтеп үтте. Уның һүҙҙәренсә, 59,4 процент – ауырыған һәм прививка эшләткән рәсәйҙәрҙең дөйөм иммунитеты.

«Илдә 70 миллиондан ашыу кеше вакцина яһатҡан. Әммә был ғына етмәй, беҙҙә коллектив иммунитет кимәле 80 процент булырға тейеш», – тип билдәләне дәүләт башлығы.

2022 йылдың беренсе кварталы аҙағында йәки 2022 йылдың икенсе кварталында ошо күрһәткескә өлгәшербеҙ, тигән ышанысын белдерҙе ул.

Сығанаҡ: “Башинформ”.