Ковидҡа коллектив иммунитет киләһе йыл башында тейешлесә процентҡа етеүе ихтимал

Башҡортостанда ковид киҙеүенә коллектив иммунитет буйынса күрһәткес киләһе йыл башында  тейешлесә  процентҡа етеүе ихтимал. Был турала Башҡортостан Республиканың Һаулыҡ һаҡлау министрлығы хәбәр итә.

Бөгөнгө көндә төбәктә COVID-19 вирусына ҡаршы вакцинаның беренсе компоненты 2,1 миллион кешегә һалынған, был прививкалау үтергә тейеш булған халыҡтың 84,6 процентын тәшкил итә,  1,9 миллион кеше вакцинаның икенсе компонентын яһатҡан, был - 76,9 процент.

Республикала ковид киҙеүенә коллектив иммунитет булдырыу өсөн өлкән йәштәге халыҡтың 80 процентын, йәғни 2,5 миллион кешене вакцинациялау зарур.