Кил һәм яҙыл!

Өфөлә “Өс бәхетле көн” акцияһы бара.

Ул 2022 йылдың беренсе яртыһына ваҡытлы матбуғатҡа ташламалар менән яҙылыу ун көнлөгөнә бәйләп үткәрелә.

Матбуғат һөйөүселәр кисә “Мир Фирмаһы” сауҙа үҙәгендә республикала сыҡҡан барлыҡ гәзит-журналдар менән таныша һәм 2022 йылдың беренсе яртыһына ташламалар менән яҙыла алды. Бөгөн сара “Үҙәк Баҙар” сауҙа комплексында 10.00 – 13.00 сәғәттәрҙә ойошторола. Иртәгә иһә ул “Ғаилә” (“Семья”) сауҙа үҙәгендә үтә.

Республика матбуғатына яҙылған һәр кем приздар отошонда ҡатнаша ала.

Иҫегеҙгә төшөрәбеҙ: ташлама менән “Башҡортостан ҡыҙы” журналына яҙылыу 579 һум 06 тин тора.

Бергә булдыҡ, бергә ҡалайыҡ, дуҫтар!