Ике фура төкөшкән, ҡорбандар бар

Ҡаршы килгән ике фура төкөшкән һәм янып киткән. Водителдәрҙең береһе һәм пассажир һәләк булған.

Фажиғәле юл-траспорт ваҡиғаһы Иглин районында М-5 трассаһы Һамар – Өфө – Силәбе участкаһының 1497-се саҡрымында бөгөн таңғы биштә теркәлгән.

Авария һөҙөмтәһендә трасса тулыһынса ябылған. Транзит транспорт өсөн Иглин ауылы аша урау юл асылған.

Ваҡиға урынында полиция һәм ҡотҡарыу хеҙмәттәре эшләй.