Антиесемдәр бар икән, сертификат бирелә

Рәсәйҙә ПЦР анализы ыңғай һөҙөмтә күрһәткән һәм коронавирусҡа антиесемдәре булған кешеләргә ковидты үткәреүсенең сертификаты бер йылға биреләсәк. ПЦР-тест тапшырмаған, әммә антиесемдәре асыҡланған кешеләргә сертификат ярты йылға бирелә. Был турала вице-премьер Татьяна Голикова хәбәр итте, тип яҙа “РИА Новости” мәғлүмәт агентлығы.

2021 йылдың 1 ғинуарынан һуң тапшырған ПЦР-тест ыңғай булған осраҡта, ковидты кисереүсе булараҡ сертификат алыу өсөн, антиесемдәргә анализ бирергә тәҡдим итәсәктәр. Был кешенең антиесемдәре  асыҡлана икән, бер йылға сертификат бирелә, тип билдәләй Татьяна Голикова.

ПЦР-тест тапшырмаған, поликлиника-дауаханаларға бармаған, әммә үҙҙәренең ковид үткәреүен белеүселәргә лә антиесемдәргә анализ бирергә тәҡдим итәсәктәр. Был мәғлүмәттәрҙең Һаулыҡ һаҡлау системаһына, аҙаҡ “Дәүләт хеҙмәттәре” порталына тапшырылыуына уларҙың риза булыуы кәрәк. Уларға ла шулай уҡ сирҙе уҙғарыу тураһында сертификат биреләсәк – ярты йылға.

Фото "Башинформ"дан алынды.