Ете аҙым

Республикала башҡорт теле көнөнә Бөтә донъя башҡорттары ҡоролтайы иғлан иткән “Ете аҙым” марафоны дауам итә.

Уның шарттары буйынса, Мифтахетдин Аҡмулланың иң билдәле ижади ҡомартҡыларының береһе — "Нәсихәттәр"енә таянып, Бөтә донъя башҡорттары ҡоролтайы ағзалары һәм республиканың район хакимиәте башлыҡтары, әҫәрҙә билдәләнгән ҡиммәттәрҙең асылын күңеленә ятҡан ижади ысул менән (шиғыр, фекер, цитата, йыр) сағылдырырға, видеояҙмаға #башҡорттелекөнө2021марафон хештегын ҡуйырға тейеш.

Иман, Күңел, Аҡыл, Шөкөр, Әҙәп, Сабыр, Ихлас — йәшәйешебеҙҙең төп ҡиммәттәрен билдәләгән ғәмәлдәр. Бөтә донъя башҡорттары ҡоролтайының социаль селтәрҙәге төркөмдәрендә Нәсихәттәрҙең үҙенсәлеген билдәләгән, асылын яҡтыртҡан видеояҙмалар ҡуйыла бара.